Katastrofë ekologjike në SHBA: njollë nafte pranë brigjeve të Luizianës

(28.04.2010 RV)Nuk ndalet përhapja e naftës, që kërcënon Gjirin e Meksikës. Sipas ekspertëve, të shtunën, njolla e zezë mund të arrijë në brigjet e Luizianës. Pasojat janë të rënda e deri tani, nuk ka qenë e mundur të ndalet përhapja e naftës në det, e cila ka dalë pas fundosjes së një platforme, që mori zjarr të enjten e kaluar, duke shkaktuar 11 viktima. Flitet për “katastrofën më të madhe në histori”. Po shikohet mundësia për t’i vënë flakën naftës, së përhapur në një sipërfaqe prej dymijë kilometrash katrore.