Масква: сімпозіўм з нагоды гадавіны Пантыфікату Бэнэдыкта 16
У маскоўскім цэнтры культуры “Покроўскія Ворота” адбыўся вечар прысвечаны пяцігоддзю
Пантыфікату Бэнэдыкта 16. Падчас сустрэчы прысутныя змаглі пазнаёміцца з галоўнымі
думкамі трох Энцыклік Папы ды з жыццёваю дарогаю Святога Айца. Супрацоўніца Апостальскай
Нунцыятуры ў Маскве Джованна Паравічыні, адчытала ліст ад арцыбіскупа Мэнніні, ў якім
ён прадставіў погляд на ролю Рымскага Папы ў сучасным свеце. “З аднаго боку нарастае
нянавісць свету да хрысціянства, якое прадстаўляецца ў асобе Папы, а з другога боку
ўнутры Касцёла ёсць чуты голас Хрыста, які заклікае да навернення ды прымлівацца Ягонага
шляху. Сілы для гэтай дарогі трэба шукаць не ў сваёй бездакорнай чысціні і ў маральнай
значнасці, але ў дараванні і ў жывой прысутнасці Збавіцеля”,- напісаў арцыбіскуп Антоніё
Мэнніні. Гэнэральны вікарый архідыяцэзыі Божай Маці, айцец Сяргей Тімашоў, пазнаёміў
сабраных з галоўнымі тэзісамі трох Энцыклік Папы. Сустрэча закончылася фільмамі,
якія прадстаўлялі жыццёвую дарогу Язэпа Ратцынгера, цяперашняга Папы Рымскага. Асабліва
кранула сэрцы сцэна, калі Папа адгаворвае Нікейска-канстантынопальскі сімваль веры
разам з праваслаўным Патрыярхам Канстантынопаля Барталамеям І.