Իր ճառին մէջ Սրբազան Հայրը կը խօսի Ս. Պօղոս առաքեալի դարձի
պատմութեան մասին, ապա կը խօսի ՜՜անհատի՝՝ հաւատքին մասին, դիտել տալով որ ՜՜շատերը կ'ուզեն
Յիսուսի հետեւիլ՝՝։ Ձեզի ամէնուդ կ'ըսեմ. ՜՜ մի վախնաք Աւետարանը քարոզելու ձեր շրջապատին,
հակառակ որ պիտի հանդիպիք որոշ անձերու որոնք կը հակառակին Աւետարանի պատգամին։ Դուք
վստահութեամբ դիմեցէք Քրիստոսին եւ համապատասխանեցէք Անոր կանչին յաճախ մօտենալով ՜՜Եկեղեցւոյ
խորհուրդներուն՝՝։ Հուսկ Նորին Սրբութիւնը իր խորհրդածութիւնը կ'եզրափակէ խօսելով հաւատքի
մշակութային եւ ընկերային ծաւալին մասին եւ կ'եզրափակէ քաջալերելով՝ բոլոր այն երիտասարները
ու պարմանուհիները որոնք քահանայական կամ կրօնաւորական կեանքին կոչումը կը զգան ։ Ամէն
Քրիստոնեայ կանչուած է տարածելու Աւետարանի պատգամը։ Աստուած կը սիրէ համայն մարդկութիւնը
եւ որպէս Քրիստոնեաներ կանչուած ենք դրսեւորելու ՜՜Աստուծոյ սէրը որ կ'ընդգրէ ամէնքս՝՝։
Ասոր համար կանչուած ենք օգնութեան հասնելու աղքատին, տկարին, գաղթականին եւ փախստականին։
Պարտաւոր ենք խնամել անկարը ու պահպանել անոր արժանաւորութիւնն ու անոր կեանքի որակը։
Պէտք է բարեկամաբար մօտենանք ՜՜հաւատացեալին եւ ոչ հաւատացեալին՝՝։ Մի վախնաք ըլլալու
մտերիմ բարեկամները Քրիստոսի։