(23.04.2010 RV)Gjithnjë e nderë situata në qendrën e Bangkokut në Tajlandë,
ku sot u zhvillua një manifestim i madh i lëvizjes pro monarkiste, simpatizantët e
së cilës quhen “këmishëverdhë”. Ndërkaq, prej ditësh, “këmishëkuqtë” kanë pushtuar
qendrën financiare të kryeqytetit, duke kërkuar dorëheqjen e kryeministrit Vexhaxhiva.
Gjatë natës, 5 shpërthime shkaktuan një viktimë e 86 të plagosur. Kisha Katolike
nuk mban anën e askujt në atë, që e quan “konflikt të tmerrshëm shoqëror”, por vazhdon
të lutet për paqen. Armiqtë kryesorë, sipas saj, janë urrejtja dhe zemërimi.