Diskutohet pjesëmarrja e Kosovës në Konferencën e Sarajevës
(21.04.2010 RV)Zgjidhja për suksesin e Konferencës ndërmjet Bashkimit Evropian
dhe Ballkanit, e cila do të zhvillohet më 2 qeshor në Sarajevë, ishte mbrëmë në qendër
të takimit tripalësh të ministrave të jashtëm të Serbisë, Turqisë dhe Spanjës, aktualisht
presidentja evropiane e turnit. Problemi mbetet pjesëmarrja e Kosovës, të cilën Serbia
nuk e pranon si shtet të pavarur. Sipas Beogradit, Prishtina mund të marrë pjesë në
mbledhjet ndërkombëtare vetëm si Kosovë-UNMIK, pra si protektorat i OKB-së, mbi bazën
e rezolutës 1244 të Këshillit të Sigurimit. Konferenca e Sarajevës është e rëndësishme
për integrimin e Ballkanit në Bashkimin Evropian e Brukseli po bën ç’është e mundur
të ulë në tryezën e bisedimeve Serbinë e Kosovën.