Ватыкан. У базіліцы святога Пятра 20 красавіка адпелі кардынала Томаша Шпідліка.
Папа Бенедыкт 16 у задушнай гамеліі працытаваў чэскага субрата, памёрлага пасля свайго
90-годдзя: " Праз усё жыццё я шукаў аблічча Езуса, і цяпер ёсць шчаслівы і спакойны,
бо хутка пайду, каб убачыць Яго". Свяцейшы Айцец назваў гэты выказ нябожчыка цудоўным
- бо так па-дзіцячаму просты і адначасова глыбокі сваёй праўдаю. Далей Папа, просячы
святых дараў для жыцця вечнага кардыналу Томашу, вызначыў асабістыя ўраджанні аб саратніку
і браце-кардынале. Бенедыкт 16 адзначыў вялікае пачуццё гумару і інтэлігентнасць памёрлага,
сказаў, што той меў усе характарыстыкі чалавека, які мае не толькі моцны розум, але
і вялікую унутраную свабоду. Прыпомніўшы, як многа прыйшлося цярпець айцу-езуіту ў
часы камуністычнага рэжыму ў Чэхаславакіі, Папа выказаў пэўнасць. што ягоная асоба,
а не толькі кнігі - тэалагічныя, філасофскія і мастацкія - памнажалі сілы вучняў
і надзею ва ўсіх хрысціянах сацыялістычнай Чэхаславакіі. " Нягледзячы на непазбежныя
перамены, звязаныя са ўзростам, айцец Шпідлік да канца быў малады духам і свежы розумам."
Папа маліўся да Беззаганнай Багамаці, каб суправаджала дарагога памёрлага брата да
абдымкаў Святой Тройцы, дзе зможа навек супачыць у бясконцае Любові Бога.