U kremtua në Shkodër 150 vjetori i Seminarit “Zoja e Këshillit të Mirë”.
(19.4.2010 RV)Përvjetori i 150-të i Seminarit Papnor Shqiptar, këtë fund jave
që shkoi u kujtua në Shkodër me kremtimin e Meshës së shenjtë, me një konferencë,
një libër dhe një dhe një dokumentar kushtuar historisë së Kishës Katolike Shqiptare. KONFERENCA IPESHKVNORE E SHQIPËRISË dhe kete komunikate per shtyp:
150
vjetori i krijimit te Seminarit Papnor Kombëtar dhe pesëvjetori i Zgjedhjes së Papë
Benedikti XVI
Këto ditë në Shkodër është kremtuar 150 vjetori i themelimit
të Seminarit Papnor kombëtar. Kremtimet e zhvilluara në qytetin e Shkodrës, ku gjendet
edhe seminari, janë mbajtur në dy ditë: 16 prill, me përsiatje të ofruara nga meshtarë
e ipeshkëvinj mbi figurën e meshtarit në Fshatin e Paqes; 17 prill, me praninë e Kardinalit
Zenon Grocholewski, Prefekt i Kongregatës për Edukimin Katolik në ambientet e Seminarit.
Me pas kardinali ka kryesuar, në Katedralen e Shkodrës, një kremtim eukaristik në
të cilin kanë marrë pjesë të gjithë ipeshkëvinjë e vendit dhe të zonave shqiptare
në Kosovë dhe Mal të Zi. Me 18 prill kardinali ka kryesuar një meshë në Katedralen
e Shën Palit në Tiranë me rastin e 5 vjetorit të Pontifikatit të Benediktit XVI. Ne
fillim të kremtimit Mons. Rrok Mirdita, Arqipeshkëv i Tiranë-Durrësit dhe kryetar
i Konferencës Ipeshkëvore të Shqipërisë, i ka drejtuar një përshëndetje kardinalit,
duke ripërtërirë besnikërinë e Kishës së Shqipërisë ndaj Atit të Shenjtë, besnikëri
e cila nuk ka munguar as gjatë persekutimit komunist. Në homelinë e tij kardinali
ka kujtuar meshën e fillmit të Pontifikatit të Benediktit XVI dhe është ndalur në
dy shëmbëllimet e peshkatarit dhe të bariut të ofruara edhe nga Ungjilli i të djelës.
Kardinali ka ripërtërirë afërsinë ndaj Attit të Shenjtë në misionin e tij si bari
i Kishës Universale. Në Shqipëri, ka kujtuar Prefekti i Kongregatës për Edukimin Katolik
“...është synuar që nëpërmjet një ideologjie obskurantiste e veçnërisht nëpërmjet
forcës të zhdukej nga zemrat e njerëzve Hyji, të asgjësohej tërësisht rëndësia e Atit
të Shenjtë dhe e mësimit të tij. Dhe sot kam gëzimin e madh të shpreh së bashku me
ju këtu në Tiranë mirënjohjen Zotit për dhuratën e Pjetrit dhe të pasardhësve të tij
e veçanërisht sot për dhuratën që Hyji na ka bërë para pesë vjetësh, atë të Atit të
Shenjtë Benedikti XVI dhe për të dëftuar gjithnjë bashkë me ju bashkimin e plotë dhe
të gëzueshëm me Të. Në mënyrë të veçantë duam t’i shprehim solidaritetin tonë bijësor
Atit të Shenjtë për faktin që këto kohët e fundit ka qenë objekt sulmesh të padrejta
dhe të liga.”. Gjatë meshës janë drejtuar lutje për udhëtimin Apostolik të Papës në
Maltë. Tiranë, 19 prill 2010
Gjatë cerimonisë përkujtimore
të 150 vjetorit të Seminarit, rektori i Seminarit Ndërdioqezan Shqiptar "Nëna e Këshillit
të Mirë", Jezuiti At Azmando Ceccarelli tha mes tjerash."Ndryshimet shoqëroro-politike
që kanë ndodhur në Shqipëri gjatë këtyre 150 vjetëve kanë vënë në provë më shumë se
një herë institutin e Seminarit Shqiptar, por... ai jo vetëm ka mbijetuar, por ka
rigjetur gjallëri të re për të vazhduar misionin e vet," "Kremtimi i sotëm
nuk është për ne vetëm një kujtim nostalgjik i të kaluarës, por rasti për një hov
të ri drejt të së ardhmes, sepse për ne ndizet shpresa që të mund të sjellim praninë
e Kishës në një vend ku botëkuptimi katolik bëhet tharm bashkësie, një vend shkëmbimi
dhe dialogu me vëllezërit tanë Ortodoksë dhe afërsie me Myslimanët," tha Atë Ceccarelli,
në fjalën e tij në konferencën shkencore për historinë e kishës. Sipas rektorit
të Seminarit Ndërdioqezan, prej shugurimeve të para meshtarake që janë bërë në vitin
2000 deri më sot, mund të numërojmë 22 meshtarë dioqezanë dhe 20 meshtarë rregulltarë
shqiptarë, dhe të rinjtë të tjerë që kanë thirrjen meshtarake e rregulltare e që kanë
mundësi të ndjekin, krejt apo pjesërisht, studimet e tyre në Filozofi e Teologji.
Programi i aktiviteteve kushtuar 150-të të Seminarit Ndërdioqezan të Kishës Katolike
të Shqipërisë me seli në Shkodër, kanë vijuar me paraqitjen e librit “ Historia e
Kishës Katolike në Shqipëri 1913-1996” me autor Markus W. E Peters ,që ishte një ngjarje
e veçantë dhe e mirëpritur. "Botimi i këtij libri në gjuhën shqipe... është
një homazh për Kishën Katolike, e cila ndër shekuj qe gurrë qytetërimi evropian, kulture
dhe simbol i mendimit të lirë dhe qytetarisë," tha drejtori i Institutit Filozofik
dhe Teologjik, Dr. Mario Imperatori. Më pas u bë edhe shfaqja e filmit dokumentar
"Misionin i Ringjallur" përgatitur nga prifti shqiptar dom Nikë Ukgjini, administrator
famullitar në Kukel, përmbajtja e të cilit përshkruante në detaje historinë disa vjeçare
të klerit katolik dhe në veçanti të Jezuitëve në Shqipëri.