Urime nga e gjithë bota për 83-vjetorin e Papës Benedikti XVI
(16.04.2010 RV)Papa Benedikti XVI mbushi sot 83 vjeç. Nga e gjithë bota i kanë
ardhur mesazhe të shumta urimi, jo vetëm nga autoritetet civile e fetare, por edhe
nga njerëz e besimtarë të thjeshtë. Edhe Shqipëria i ka shprehur Atit të Shenjtë urimet
e saj, me të cilat bashkohemi edhe ne si seksion i gjuhës shqipe të Radio Vatikanit:
“Gëzuar, edhe njëqind, Atë i Shenjtë!” Pas pak ditësh, më 19 prill, do të kremtojmë
edhe 5-vjetorin e zgjedhjes së Benediktit XVI në fronin e Shën Pjetrit. E gjithë bota
katolike shtrëngohet rreth Bariut të vet, në këtë moment të vështirë për Kishën.