Aeroporte të bllokuara në Evropë nga tymi i vullkanit të Islandës
(16.04.2010 RV)Për të dytën ditë me radhë, aktiviteti i vullkanit në jug të
Islandës e bëri të pamundur transportin ajror në të gjithë Evropën, me pasoja edhe
për aeroportet amerikane dhe veriafrikane. Vetëm sot, janë anulluar 17 mijë fluturime.
Hapësira ajrore është mbyllur krejtësisht, ose pjesërisht në 16 vende të Kontinentit
të Vjetër. Reja me hi vullkanor pritet të kalojë nesër mbi Italinë, nëse nuk do të
ndryshojnë parashikimet për motin.