Deklaratë e atë Federiko Lombardit, mbi debatin pas një interviste të kardinalit Bertone,
në Kili.
(14.04.2010 RV)Duke iu përgjigjur pyetjeve të gazetarëve për debatin, që pasoi
një intervistë të kardinalit Bertone, Sekretar i Shtetit të Vatikanit, në Kili, mbi
temat e shpërdorimeve seksuale nga ana e anëtarëve të klerit, Drejtori i Sallës vatikanase
të Shtypit, taë Federiko Lombardi, deklaroi: “Autoritetet kishtare nuk mendojnë
se është kompetenca e tyre të bëjnë pohime të përgjithshme të karakterit veçanërisht
psikologjik ose mjekësor, për të cilat u referohen në mënyrë të natyrshme studimeve
të specialistëve dhe kërkimeve shkencore në vijim, lidhur me çështjet. Përsa
u përket kompetencave të autoriteteve kishtare në fushën e shkaqeve, që i çuan meshtarët
në shpërdorime seksuale, trajtuar kohët e fundit nga Kongregata për Doktrinën e fesë,
kemi vetëm të dhënën statistikore të intervistës së imzot Shiklunës, në të cilën flitet
për 10% raste pedofilie, në kuptimin e ngushtë të kësaj fjale, e për 90% raste, për
t’u përcaktuar si efebofili (pra mbi adoleshentë), nga të cilat 60% lidhur me individë
të të njëjtit seks e 30% të karakterit heteroseksual. Natyrisht këtu është fjala për
problematikën e shpërdorimit nga ana e meshtarëve e jo nga ana e popullsisë, në përgjithësi".