Konferenca e Uashingtonit mbi sigurinë bërthamore

(09.04.2010 RV)Pas firmës historike të djeshme të traktatit START 2 ndërmjet SHBA-ve dhe Rusisë për reduktimin e arsenalit bërthamor, bota shikon me besim drejt konferencës së jashtëzakonshme për sigurinë bërthamore, që do të mbahet më 12 e 13 prill në Uashington. Presidenti amerikan Obama ka ftuar 47 vende për t’i çuar drejt një marrëveshjeje, që duhet të shmangë rrezikun e rënies së armëve bërthamore në duart e terroristëve.