Kirgizistan: opozita përjashton çdo bisedim me presidentin Bakijev
(09.04.2010 RV)Akoma konfuze gjendja në Kirgizistan. Presidenti Bakijev, i
cili është strehuar në jug të vendit, ka deklaruar se është gati të ulet në tryezën
e bisedimeve me atë, që e quajti “qeveri të përkohshme”. Tha gjithashtu, se nuk ka
ndërmend të japë dorëheqjen. E menjëhershme përgjigjia e Roza Otunbajevës, kryeministre
e qeverisë së formuar nga opozita, e cila hodhi poshtë çdo mundësi bisedimesh me presidentin.
Në kryeqytetin Bishkek, sot u kremtua funerali i viktimave të ditëve të kaluara. I
gjithë vendi ishte në zi.