Shpërthime në Bagdad. 35 të vdekur dhe 140 të plagosur.
(6.04.2010 RV)Sot në mëngjes një varg atentatesh tronditi Bagdadin. Mbetën
të vdekur 35 vetë. 140 të tjerë u plagosën si edhe u shkatërruan shtatë ndërtesa.
Sipas ministrit të brendshëm irakian një nga pesë shpërthimet e fuqishme u shkaktua
nga një kamikaze. Vetëm para tri ditësh në Bagdad shpërthyen tri makina me lëndë shpërthyese
që u lëshuan kundër disa ambasadave evropiane dhe arabe si edhe kundër asaj iraniane
duke shkakuar 30 të vdekur dhe 224 të plagosur.