Britani e Madhe: Zgjedhjet e ardhshme do të zhvillohen me 6 maj.

(06.04.2010 RV)Kryeministri britanik Braun njoftoi sot se zgjedhjet e ardhshme do të zhvillohen me 6 maj. “Vendi, nënvizoi kryeministri Braun është në rrugën e ripërtëritjes. Po marrim vendime të drejta e të rëndësishme siç kemi bërë që ditën kur filloi kriza ekonomike”. Në të njëjtën kohë përfaqësuesi i konservatorëve Dejvid Kameron, në një fjalim mbajtur në Londër, deklaroi se nën udhëheqjen e tij një e ardhme e re dhe e madhe e pret ekonominë, shoqërinë dhe krejt vendin. Po sot në Britani të Madhe hyri në fuqi taksa e re. Sipas këtij ligjit ata që fitojnë më shumë se 150 mijë sterlina në vit do t’i paguajnë 50% taksë shtetit, ligj ky që është kundërshtuar rreptësisht nga konservatorët të cilët mendojnë se kjo do të shkaktojë një ikje të kapitaleve jashtështetit.