Urimet në gjuhën shqipe të Papës e të Programi Shqip të R.V.
(04.04.2010 RV)E filluam programin
e sotëm me urimin e Benediktit XVI në gjuhën shqipe, gjatë Bekimit drejtuar Romës
e botës; për të bashkuar zërin tonë me zërin e Papës, në urimin për solemnitetin
e Ringjalljes: “Urime!”. Për shumë vjet! Nga mot gëzuar Pashkët! Pashkë
mahnitëse, Pashkët e Zotit, Pashkë! Pashkët e shenjta aguan për ne. Pashkë! Ta
përqafojmë me hare njëri-tjetrin. Sepse Pashkët i dhanë fund trishtimit! Krishti,
duke dalë plot dritë nga varri, na mbush me gëzim e na fton: Çojeni lajmin e madh
në të katër anët e botës, të botës shqiptare e të botës së madhe: Është dita e
ringjalljes. Ta mbushim botën me rrezet e gëzimit të festës, të rrokemi me njëri-tjetrin,
ta quajmë njeri-tjetrin ‘vëlla’ e ‘motër’. Vëlla, atë që e duam; vëlla edhe atë,
që na urren. T’i falim të gjithë, për hir të ringjalljes e të ngjitet deri në qiell
brohoria e njëzëshme e festës: “Krishti u ngjall prej së vdekurish, me vdekjen
e tij, e mundi vdekjen! Të vdekurve ndër varre u dha përsëri jetë!Kjo është dita
e bërë nga Zoti, të gëzohemi e të galdojmë në të!