У Вялікі Чацвер,1-га красавіка, вечарам Папа Бэнэдыкт 16 адслужыў у Базыліцы Святога
Яна на Латэране, Імшу Вячэры Пана, ў часе якой абмыў ногі 12-м святарам, на памятку
жэсту Езуса Хрыста, які Ён зрабіў Апосталам у часе Апошняе Вячэры. Бо Сын Чалавечы
прыйшоў не каб Яму служылі, але каб паслужыць і аддаць сваю душу на выкупленне многіх. У
казанні Бэнэдыкт 16 гаварыў аб сэнсе Хрыстовае малітвы за Касцёл. “Раскол у Касцёле,
свядомасць таго, што пагражае яго адзінсту, было адною з прычын цярпення Хрыста.
Калі абмяркоўваем Ягоныя мукі, мы мусім таксама заўважыць боль Езуса, які вынікаў
з таго, што Ягоная малітва не ажыццяўлялася ў жыцці вучняў”,- сказаў Бэнэдыкт 16.
“Касцёл нарадзіўся з малітвы Езуса за сваіх вучняў. Гэтая малітва,- як сказаў Пантыфік,-
дае нам упэўненасць пераемнасці Касцёла ў гісторыі. У той жа час ёсць для нас выклікам
да рахунку сумлення, каб мы ўбачылі, насколькі ў нашым жыцці ажыццяўляецца ўсё тое,
чаго Хрыстус прасіў у Айца ў святарскай малітве”. У сваёй гаміліі Папа спаслаўся
на развітальную сустрэчу Езуса з вучнямі, што апісана ў Евангеллі паводле Святога
Яна. Яна пачынаецца ад жэсту ўмыцця ног, які ў сімвалічны спосаб ахоплівае ўвесь
адкупленне,- адзначыў Бэнэдыкт 16. Пасля абмыцця ног ідзе развітальная прамова, якая
ўяўляе сабой сінтэзіс паслання Хрыста. У рэшце рэшт яна ператвараецца ў малітву да
Айца за Касцёл. Далей Папа гаварыў таксама аб неабходнасці пазнання сапраўднага
Бога. У гэтым, як сказаў Езус у развітальнай прамове, заключаецца жыццё вечнае.
Святы Айцец адзначыў, што жыццё вечнае гэта нешта больш чым толькі існаванне пасля
смерці. Справа тут ідзе хутчэй за ўсё, пра сапраўднае і поўнае жыццё, якое пачынаецца
ўжо тут на зямлі, дзякуючы спазнанню Бога. Гэтае пазнанне не мае характару чыста
знешняга, але ёсць прыняццем абьяўлення, Бога, які абьяўляецца ды ўступлення з Ім
у адносіны”,- сказаў Бэнэдыкт 16 падчас Імшы Вячэры Пана.