Kanada: vendet e G8-s këshillohen për Iranin e luftën kundër terrorizmit

(30.3.2010 RV)Vendet e G8-s do të kërkojnë prej vendeve të tjera hapa më konkretë ndaj programit bërthamor iranian. Kështu, thuhet në dokumentin e ministrave të jashtëm të Shtatë Vendeve më të industrializuara të botës dhe Rusisë, të cilët u takuan në Otava të Kanadasë.
Në këtë dokument theksohet edhe gatishmëria për dialog me Iranin, i cili dyshohet se fshehurazi po përgatitet për prodhimin e bombave bërthamore. Shtetet e G8-tës kërkojnë që edhe Kina të ndërmarrë hapa më të ashpër kundër Iranit. Tema të tjera në Otava janë lufta kundër terrorizmit dhe zhvillimet në Afganistan.