Падчас Пальмовай нядзелі ў Віцебскай парафіі Святога Духа рэкалекцыі для
ўрачоў і замежных студэнтаў-медыкаў, якія навучаюцца ў Віцебскім дзяржаўным медыцынскім
універсітэце праводзіў айцец Марэк Пісарэк OMI з Шуміліна. Разам з медыкамі з Індыі
і Шры-Ланкі супольна маліліся сем’і навукоўцаў універсітэта і супрацоўнікаў абласнога
шпіталя. Крыжовы шлях, асвячэнне галінак вярбы, чытанне Святога Евангелля паводле
апостала Лукі, спевы—гучалі па-англійску. Таксама сакрамэнт споведзі на англійскай
мове мелі магчымасць атрымаць замежныя студэнты-медыкі. Нават далёка ад сваёй радзімы
на гасціннай зямлі Беларусі будучыя ўрачы адчуваюць еднасць і паўсюднасць Касцёла.
|