Patriku serb takohet me përfaqësuesin e BE-së për trashëgiminë kulturore e fetare
të serbo-ortodoksëve në Kosovë
(26.03.2010 RV)Dje ishte për vizitë në Serbi përfaqësuesi i Bashkimit Evropian
për çështjet, që lidhen me trashëgiminë fetare e kulturore të Kishës ortodokse serbe
në Kosovë, Dimitris Moshopulos. Ai u takua në Beograd, me Patrikun serb Irinej, të
cilit i tregoi për hapat e bëra në drejtim të sigurisë e të ruajtjes së kësaj trashëgimie.
Kreu i Kishës Ortodokse Serbe e informoi eksponentin evropian se Sinodi i Kishës ka
emëruar peshkopin e Lipjanit, Teodosije si përfaqësues në bisedimet me autoritetet
kosovare.