Պենետիկտոս ԺԶ Սրբազան Քահանայապետին Գործունէութիւնը

 Պենետիկտոս ԺԶ Սրբազան Քահանայապետին Գործունէութիւնը Այսօր։
Այսօր հինգշաբթի 25 մարտ,Պենետիկտոս ԺԶ Սրբազան Քահանայապետը Վատիկանի մէջ ընդունեց Կարտինալ ֆրանսիսքօ Խավիէ Օսսա՝ Չիլլի մայրաքաղաք Սանթիակոյի Արքեպիսկոպոսը, Չիլիի Եպիսկոպոսաց Համահաւաք Դասի նախագահ Գերապայծառ Ալէխանտրօ Գարմելիքի հետ միասին։ Աւելի ուշ Նորին Սրբութիւնը ընդունեց Նորվեկիոյ մայրաքաղաք Օսլոյի Եպիսկոպոսը Գերապայծառ Մարքուս Պերնթ Էիտսվիկ ,նախկին Եպիսկոպոս Կերհարտ Շըվէնցերի,եւ Գերապայծառ Պերիսլավ Կըրկիչ-ի հետ միասին եկած կատարելու իրենց հնգամեայ այցը Սուրբ Պետրոսի յաջորդին ։ Ըսքանտինավիայի Եպիսկոպոսներու Համահաւաք Դասի Հնգամեայ այցը Սուրբ Պետրոսի յաջորդին սկիզբ առաւ երկուշաբթի 22 մարտին եւ պիտի եզրափակուի 27 մարտին։ Իսկ այսօր երեկոյան տեղի կ՝ունենայ Սուրբ Պետրոս Հրապարակին վրայ Սրբազան Հօր հանդիպումը Լացիօ մարզի ու Հռոմ քաղաքի երիտասարդներուն հետ,ի պատրաստութիւն՝ Երիտասարդութեան Համաշխարհային Օրուան հաստատուած երջանկայիշատակ ՅՊԲ.ի կողմէ, որ տեղի կ՝ունենայ Ծաղկազարդի Կիրակի Օրը միշտ Սուրբ Պետրոս Հրապարակին վրայ։