Беларускія ўлады плянуюць стварыць у Менску кітайскі мікрараён. Гатэлі, рэстараны
й крамы будуць пабудаваныя паводле ўзору кітайскай традыцыі й павінны, згодна зь ідэяй
інвэстыцыі, прыцягваць замежных турыстаў у беларускую сталіцу. Як паведамляе карэспандэнт
Польскага радыё ў Менску, будову аб’ектаў павінен пачаць адзін з кітайскіх канцэрнаў
у бягучым годзе. Частка гатэляў і рэстаранаў плянуецца ўвесьці ў эксплюатацыю цягам
двух гадоў. Такім чынам улады Беларусі рыхтуюцца да Чэмпіянату сьвету па хакеі ў 2014
годзе. Гэта ня першая экзатычная інвэстыцыя ў Менску. Некалькі тыдняў таму падпісана
пагадненьне з Аманам на стварэньне ў цэнтры беларускай сталіцы арабскага мікрараёну.
Урад Аману атрымаў дазвол на набыцьцё зямельнага ўчастку й будову гатэльна-рэстараннага
комплексу. Акрамя таго, улады Беларусі плянуюць пераўтварыць Менск ва ўсходнеэўрапейскі
Лас-Вэгас: у спэцыяльна створаных зонах маюць паўстаць гульнявыя цэнтры й асяродкі
азарту.