Рада Еўропы асудзіла Беларусь за смяротныя прысуды
Рада Эўропы рашуча асудзіла Беларусь за прывядзеньне ў выкананьне двух сьмяротных
прысудаў. Пра гэта чытаем у супольнай заяве старшыні Камітэту міністраў РЭ Мішэлін
Кальмі-Рэй, генэральнага сакратара РЭ Турберна Ягланда й кіраўніка Парлямэнцкай Асамблеі
Рады Эўропы Меўлюта Чавушоглу. Аўтары заявы падкрэсьліваюць, што сьмяротнае пакараньне
зьяўляецца варварствам і дэградацыяй, менавіта таму яно было адменена Радай Эўропы
пратаколам № 6 Эўрапейскай канвэнцыі аб правах чалавека. Адначасова яны дадаюць,
што РЭ гатовая аказаць Беларусі дапамогу дзеля пераадоленьня „самаізаляцыі’ краіны.
Але, калі пытаньне датычыцца правоў чалавека й дэмакратыі, шлях можа быць толькі адзін:
неадкладная адмена сьмяротнага пакараньня.