Նոր սարկաւագ Շուէտի թեմին համար

Ձեռնադրութիւնը՝ Քամիշլիի մէջ –Սուրիա

Հինգշաբթի 18 Մարտ 2010-ի՝ երեկոյեան ժամը 18.00-ին, Քամշլիի Հայ Կաթողիկէ Ս. Յովսէփ եկեղեցւոյ մէջ,  Արհիապատիւ Տ. Պետրոս Արք. Միրիաթեան՝ առաջնորդը Բերիոյ Թեմի Կաթողիկէ Հայոց եւ Բարձր Ճէզիրէի Առաքելական Կառավարիչը, սարկաւագ ձեռնադրեց Տէր Յովսէփ Պահէն, մկրտութեան անունով Խաչիկ։

Նոր ձեռնադրեալ սարկաւագը՝ Տէր Յովսէփ Պահէ, ծնած է 1981-ին Քամշլիի մէջ: Ան պիտի ծառայէ Շուէտի  Հայ Կաթողիկէ Եկեղեցիին:

Ռատիովատիկանի հայերէն հայորդումներու անձնակազմը կը շնորհաւորէ Տ. Յովսէփ սրկ. Պահէն մաղթելով անոր բարի առաքելութիւն։