(22.03.2010 RV)Evropa duhet të vendosë kësaj jave, e saktësisht të enjten,
në mbledhjen e krerëve të shteteve e të qeverive, nëse do t’i japë ndihma Greqisë
për të kapërcyer krizën e rëndë ekonomike. Sot, kancelarja gjermane, Angela Merkel
deklaroi se do të marrë parasysh mundësinë e një ndihme nga Fondi Monetar Ndërkombëtar,
në rast se krijohet gjendje emergjence, por të enjten nuk parashikohet ndonjë diskutim
mbi ndihmat e Bashkimit Evropian për Athinën. Mendon ndryshe presidenti i Komisionit
Evropian, Barroso, i cili po punon për arritjen e konsensusit mbi nevojën e caktimit
të një mjeti për ndërhyrjen evropiane në vendet anëtare, kur kjo është e domosdoshme,
si në rastin e Greqisë.