Працягваюцца падрыхтоўкі да Сіноду Біскупаў каталіцкай Царквы, прысвечанага Блізкаму
Усходу.
Прыгадаем, ён ад 10 да 24 кастрычніка будзе праходзіць у Ватыкане на тэму «Каталіцкая
Царква на Блізкім Усходзе: зносіны і сьведчаньні». Пасля сустрэчы лацінскіх біскупаў
арабскіх рэгіёнаў, якая адбылася ў пачатку сакавіка, нядаўна ў Галілеі адбылася сустрэча
каталіцкіх ардынарыяў Святой Зямлі. Пасля ўступнай духоўнай канферэнцыі аб выкліках
для адзінства і аб сьведчанні першых Цэркваў ў святле Дзеяў Сьвятых Апосталаў, іерархі
разгледзелі дзейнасць каталіцкіх харытатыўных арганізацый і накіравалі ліст да хрысціянаў
Ірака. У словах падтрымкі для шматпакутных Цэркваў Іраку каталіцкія біскупы Святой
Зямлі адзначаюць, што «вернікі ў Іарданіі, Палестыне і Ізраілі моляцца і супакутуюць
разам з субратамі, выпрошваючы у Бога міласэрнасці. Сустрэча скончылася ўрачыстай
Літургіяй ў намеры Апостальскага Нунцыя ў Ізраілі арцыбіскупа Антоніо Франко з нагоды
юбілею яго 50-годдзя святарства.