(15.03.2010 RV)Edhe në këtë periudhë Krezhmësh, dalitët në Indi përjetojnë
një “Udhë Kryqi” pa fund. Mëse 10 mijë të krishterë e myslimanë “jashtë kastave”,
siç quhen, u mblodhën dje në Nju Delhi, duke i kërkuar qeverisë të shumëfishojë përpjekjet
kundër diskriminimeve shoqërore. Gjithashtu, javës së kaluar, në shtetin indian Tamil
Nadu u organizua një “Marrshim i gjatë” prej 800 km, në favor të dalitëve. Manifestimi
përfundoi me arrestimin e me lirimin e mëvonshëm të ipeshkvijve të Tamil Nadu-t. Gjithsesi,
prelatët arritën të takohen me kryeministrin, të cilit i kërkuan krijimin e një komisioni
kombëtar për pakicat gjuhësore dhe fetare.