Vëllai i Papës, fëmijëve të korit vetëm ndonjë shpullë për të ruajtur displininën
(09.3.2010 RV)Ish drejtori i korit të katedrales së Regensburgut, vëllai i
Papës, Goerg Ratcinger, ka kërkuar falje viktimave të abuzimeve e dhunës seksuale
që kanë ndodhur brenda mjediseve të korit të zërave të bardhë të Regensburgut, që
është i njohur në tërë botën. Don Georg ka folur mbi këtë çështje në të përditshmen
gjermane Passauer Neue Presse duke ripohuar se nuk ishte në dije për faktet e kësaj
natyre gjatë periudhës që ka drejtuar korin, nga viti 1964 e deri më 1993. “Për
gjëra të kësaj natyre nuk është folur kurrë. Në fillim të detyrës sime kishte
shumë probleme me riorganizimin e korit e ky ishte interesi im parësor. Për rastet
e abuzimeve seksuale që sot kanë dalur në dritë nuk është folur as diskutuar kurrë”,
saktësoi vëllai i Papës. Don Georg pohoi se nuk kishte dijeni as për veprimet e mjeshtrit
të korit që ka punuar nga viti 1953 deri më 1992. Ndaj fëmijëve nuk është praktikuar
asnjë lloj dhune, vetëm ndonjë “shuplakë” për të mbajtur qetësinë e respektuar rregulloret,
pohoi Goerg Racinger.