Papa Benedikti XVI në audiencë me vullnetarët e mbrojtjes civile italiane
(06.3.2010 RV)Papa Benedikti XVIpriti sot në audiencë në sallën e Palit VI
në Vatikan mbi 8000 vullnetarë të Mbrojtjes civile italiane, së bashku me përfaqësuesit
e Zjarrfikësve, të Kryq të Kuq, të Forcave të armatosura, të Forcave të Rendit, të
strukturave të Shërbimit Shëndetësor Kombëtar e të bashkësive shkencore dhe të gjitha
strukturave tjera të sistemit kombëtar italian të mbrojtjes civile që kanë vepruar
në rajonin Abruzzo, pas tërmetit të 6 prillit të vitit të kaluar. Pas përshëndetjes
që kreu i Departamentit të Mbrojtjes Civile, Guido Bertolaso i drejtoi Papës duke
e falënderuar përzemërsisht për këtë takim e për fjalët atërore, Ati i Shenjtë Racinger
i përshëndeti vullnetarët e ardhur nga të gjitha rajonet italiane. Papa kujtoi
se gjatë vizitës së tij në prillin e vitit të kaluar në Onna e Akuila, vende të dëmtuara
nga tërmeti, ka pasur mundësinë të “konstatoi personalisht me angazhimin tuaj për
të ndihmuar ata që patën humbur të dashurit e tyre e shtëpitë”. “Më duken të përshtatshme
- bijoi Papa fjalët që iu drejtova me atë rast: ‘Të falënderoj për atë që keni bërë
e sidomos për dashurinë me të cilën e keni bërë. Ju falënderoj për shembullin që keni
dhënë’. E pastaj si të mos i kujtojmë me admirim të gjithë vullnetarët e vullnetaret
që kanë garantuar asistencë e siguri turmës së madhe të të rinjve, e jo vetëm atyre,
të pranishëm në Ditën Botërore të Rinisë së vitit 2000, apo atyre që erdhën në Romë
për përshëndetjen e fundit me Papën Gjon Palin II?” “Ju - tha Benedikti XVI - jeni
shprehja më fisnike e traditës së gjatë të solidaritetit që bazohet mbi bujarinë e
përzemërsinë e popullit italian. Vullnetariati i Mbrojtjes Civile është bërë tashmë
një fenomen kombëtar, me vlerë e rëndësi për mbarë shoqërinë”. Pas takimit me Papën,
vullnetarët italianë vizituan varrin e Papës Gjon Palit II brenda bazilikës së Shën
Pjetrit dhe morën pjesë në kremtimin e Meshës kremtuar nga kardinali Komastri, pranë
elterit të Katedrës, brenda Bazilikës së Vatikanit.