У гомельскім касцёле Нараджэння Маці Божай адбылася сустрэча ўдзельнікаў неакатэхуменальных
рухаў, падчас якой значная ўвага была нададзена ролі сям’і ў сучасным свеце. Ксёндз
Славамір Ляскоўскі, пробашч парафіі, закрануў такія праблемы як секулярызацыя і дэхрысціянізацыя
сям’і праз прыманне адпаведных законаў (асабліва ў Еўропе). Святар нагадаў пра абавязак
хрысціянаў жыць не толькі для сябе, але для іншых. «У нашым грамадстве не хапае
мільёнаў дзяцей. Іх забілі праз аборты», — падкрэсліў кс. Ляскоўскі, адначыўшы пры
гэтым, што яшчэ ў XIX ст. з’явілася страшэнная хлусня аб неабходнасці кантраляваць
нараджальнасць па прычыне абмежаванасці рэсурсаў. «Многія паддаліся гэтай хлусні,
паверылі ў гэта. Як вынік — аборты, сем’і, якія не хочуць мець больш аднаго ці двух
дзяцей», — канстатаваў святар, заклікаючы прысутных быць адкрытымі на новае жыццё
і заўсёды выконваць загад Езуса Хрыста — любіць адно аднаго так, як Ён палюбіў нас. Прысутным
былі прадэманстраваны відэаролікі з Дня сям’і ў Мадрыдзе, які адзначаўся 27 снежня
2009 года.