На мэмарыяльным комплексе „Яма” адбылося жалобнае мерапрыемства, прысьвечанае 68-й
гадавіне пагрому ў габрэйскім гета ў Менску. Памяць ахвяраў нацызму ўшанавалі прадстаўнікі
ўлады, дыпляматычнага корпусу, а таксама былыя вязьні й іхныя сем’і. 2-га красавіка
1942 году нацысты зьдзейсьнілі першы буйны габрэйскі пагром, у якім загінулі 5 тысяч
чалавек рознага ўзросту. Паводле гісторыкаў, у гады вайны на тэрыторыі Беларусі было
створана больш як 150 гета. Усяго ў Беларусі ў пэрыяд акупацыі было забіта каля 800
тысяч габрэяў. Толькі ў Менску - 100 тысяч чалавек. Пакуль вядомыя больш за 500 месцаў
масавых забойстваў габрэяў у Беларусі. Памятнымі знакамі й дошкамі на сёньня пазначаныя
каля 50 зь іх. Жалобныя мерапрыемствы прысьвечаныя памяці ахвяраў першага пагрому
ў менскім гета зьяўльаюцца традыцыяй ад часу адкрыцьця другой часткі мэмарыяльнага
комплексу „Яма” ў 2000 годзе. Аднак ацалелыя вязьні ды сем’і забітых прыходзілі сюды
яшчэ 20-30 гадоў раней.