Нядаўна ў Санкт-Пецярбургу адбыўся вечар памяці Слугі Божага ксяндза Бэрнардо Антоніні
Вечар распачаўся з урачыстай Св. Імшы, прысвечанай святу тытула касцёла, - успаміну
Найсвяцейшай Панны Марыі Лурдскай – а таксама успаміну ксяндза Бернардо. Галоўным
цэлебрансам Св. Імшы стаў святар Сяргей Зуяў, вучань кс. Бернардо.
Эўхарыстычны
келіх, які выкарыстоўваўся падчас Св. Імшы, прыналежаў кс. Бернардо і быў падараваны
яму ў дзень атрымання святарскіх пасвечанняў у 1955 годзе.
У святыню сабраліся
католікі з розных парафій Санкт-Пецярбурга, семінарысты, манахіні, з розных кангрэгацыяў.
Ушанаваць памяць любага святара прыехалі госці з Разані, Яраслаўля, Вялікага Ноўгарада,
а таксама вялікая група каталікоў з Масквы.
Досведам аб сваіх сустрэчах з кс.
Бернардо падзяліўся праваслаўны святар Канстанцін Пахоменка. Ён распавядаў аб адкрытасці
Кс. Бернардо, яго гатоўнасці прыняць чалавека любой канфессіі з радасцю і увагай.
Выкладчык
касцёльнага мастацтва Вышэйшай каталіцкай семінарыі “Марыя – Каралева апосталаў” Таццяна
Андрэяўна Лапаціна расказала аб вялікай любові кс. Бернардо, да Бога і да людзей,
якая выяўлялася ў дабразычлівых ўзаемадносінах з кожным чалавекам, яго выключных чалавечых
і пастырскіх якасцях, якія паспрыялі яе навяртанню да Бога, а пасля сталі падмуркам
да прыняцця Сакраманту Хросту.