Hapet në Vatikan Takimi mbi Baritorinë e Ciganëve: Kisha e impenjuar në luftën kundër
diskriminimeve dhe padrejtësive
(02.03.2010 RV)“Kujdesi i Kishës për ciganët në Evropë: situata dhe perspektiva”:
kjo është tema e Takimit të Drejtorëve kombëtarë të Baritorisë së Ciganëve, që filloi
sot në Vatikan e do të përfundojë të enjten. Mbledhja, e organizuar nga Këshilli Papnor
për Baritorinë e Emigrantëve dhe Endacakëve, u hap nga presidenti, imzot Antonio Maria
Veliò dhe nga sekretari i dikasterit, imzot Agostino Marketo. Historia e ciganëve,
theksoi imzot Veliò, është plot me persekutime, në të cilat ka faj, drejtpërdrejt
ose jo, edhe Kisha, që shpesh ka heshtur. Nga ana tjetër, kemi shembuj të shkëlqyer
të krishterësh, që i kanë hapur rrugën një bashkëpunimi të frytshëm ndërmjet ciganëve
dhe Kishës. Kohët e fundit, sidomos me rënien e totalitarizmit në Hungari, ku ciganët
janë më të organizuar, vërehet një vëmendje e veçantë ndaj tyre edhe nga ana e organizmave
evropiane e ndërkombëtare. Kjo dhe puna e Kishave në çdo vend do të kontribuojnë për
të zhdukur një herë e përgjithmonë fenomenet dhe aktet e racizmit kundër romëve dhe
sintëve.