Сустрэча ў Малдове Біскупскіх Канферэнцый Паўднёва-Усходняй Еўропы. Прэзідэнты Канфярэнцый
гэтых краін сабраліся ад 25 па 28 лютага ў Кішынёве.
Гэта іх 10е пасяджэнне, прысвечанае правам і абавязкам каталіцкай меньшасці ў краінах
рэгіёну. У працах прымаюць удзел 9 дэлегацый: з Албаніі, Босніі-Герцагавіны, Балгарыі,
Кіпра, Грэцыі, Малдовы, Румыніі, Турцыі і Міжнароднай епіскапальнай канферэнцыі свв.
Кірылы і Мяфодзія. Таксама прымаюць удзел у дыскусіі старшыня СЕКЕ, кардынал Пітэр
Эрда, арцыбіскуп Эстергом-Будапешту, Апостальскі нунцый у Румыніі і Рэспубліцы Малдова
монсеньор Франсіска-Хаўер Лосано і пастаянны назіральнік Святога Пасаду пры Савеце
Еўропы, монс.Альда Джордано. Гаворка на працах тычыцца не толькі становішча правоў,
якімі валодаюць каталіцкія меньшасці ў розных краінах рэгіёну, але і канкрэтнага ўкладу,
які каталікі могуць і павінны зрабіць для дасягнення агульнага ўзрастання сваіх грамадстваў.
У ходзе абмеркавання будуць вырашаць праблемы, звязаныя з працэсам секулярызацыі,
якія здабываюць усё большага маштабу, і дапамогу сацыяльнай сферы, на якую абрынуліся
беспрацоўе, большы алькагалізм, наркотыкі, аборты. "Каталіцкая царква спрыяе дабру
грамадстваў. Права і абавязак Касцёла ўдзельнічаць у будаўніцтве агульнага дабра краіны,
у якой яны пражываюць, незалежна ад таго, меншасць яны або большасць. Гэта ёсць фундаментальнае
права ",-заявіў прысутным айцец Дуарте да-Кунья, генеральны сакратар Савета Канферэнцыі
еўрапейскіх біскупаў падчас аб’яўлення пераліку тэм, якія будуць галоўнымі на нарадзе.
"Быць меньшасцю - не значыць не карыстаюцца тымі ж правамі ці ня мець такія ж абавязкі,
як любая іншая рэлігія ў краіне. Каталіцкая Царква абараняе фундаментальнае права
кожнага чалавека на вартае жыццё.Тут многае яшчэ трэба рабіць," - дадаў айцец Кунья.