Atentate në Kabul në ditën e Muhametit profet, vriten të paktën 17 njerëz
(26.2.2010 RV)Presidenti i Afganistanit Hamid Karzai, dënon atentatin e sotëm
në Kabul të talebanëve në qendër të kryeqytetit, afër një qendre tregtare e hoteli
Park Residence dhe Sayed Ghafar, nga i cili vdiqën së paku 17 njerëz e 32 të tjerë
u plagosën. Burimet afgane njoftojnë se të paktën atentatët u krye nga autorë
vetëvrasës, kamikazë. Ndër viktimat e këtyre atentateve janë edhe dy policë, ndërsa
ka edhe të huaj mes të vrarëve dhe të plagosurve. Dëshmitarët thonë se panë
tymin që ngrihej nga kompleksi i dyqaneve dhe se pas shpërthimit dëgjoheshin sirenat.
Policia kishte vrarë dy sulmues tjerë vetëvrasës me bombë, që ishin në atë zonë, e
cila është e rrethuar nga forcat e sigurisë. Përgjegjësinë për sulmin e kanë marrë
talebanët. Atentatet ndodhën në ditën e përvjetorit të lindjes së Muhametit
profet. Presidenti afgan Karzai tha se këto atentate qe behen ne këtë festë “tregojnë
qartë se autorët e tyre janë armiqë të islamit e të popullit afgan” dhe duhen dënuar.