Zhorzh Bernanos, autor i veprës “Ditari i një famullitari fshati”.
(24.02.2010 RV)Zhorzh Bernanos, lindur në Paris, më 20 shkurt 1888, vdekur
në Neijy-syr-Senë, më 5 korrik 1948, është një nga shkrimtarët më të njohur francezë
të shekullit, kur jetoi e shkroi. Edhe të bijtë ndoqën rrugën e të jatit. I pari,
Mishel Bernanos, u bë shumë i njohur, jo vetëm në Francë. I dyti, Zhan-Lu Bernanos,
vdekur më 2003, është autor i jetëshkrimit të të jatit. “Jurnal
d’un curé de campagne” (Ditari i një famulltari fshati) botuar në vitin 1936,
u vlerësua me Çmimin e madh të Akademisë Franceze (Grand prix dell’ Académie Française).
Më pas famullitari i fshatit u bë personazh i filmit, me të njëjtin titull, realizuar
nga Robert Bresson (1950). Në libër janë gjithnjë të pranishme, duke u harmonizuar
ndërmjet tyre, dy përshpirtëri: ajo e famullitarit të Arsit e ajo e Shën Terezës së
Krishtit Fëmijë, që të dy të shpallur shenjtorë nga Piu XI, në vitin 1925. Ashtu si
Shën Gjon Maria Vianej, prifti, protagonist i romanit, digjet i tëri nga zelli i
jashtëzakonshëm apostolik, kushtuar plotësisht grigjës, që i është besuar. Për të
kaluar nga zelli, në jetë, ecën në gjurmët e Terezës së Krishtit Fëmijë, nga e cila
mëson rrugën e ‘foshnjërisë shpirtërore”. Shprehja ‘Gjithçka është hir’, me të
cilën përfundon romani, nuk është e Bernanos, por e Shenjtores së njohur karmelitane.
Duhet të kemi parasysh edhe se një pjesë e mirë e reflektimeve, që pasurojnë veprën,
frymëzohen nga romani i Ernest Hello “Njeriu” (L’Homme).
Vepra të
tjera të Bernanos janë: Nën diellin e Shejtanit Krimi Dialogu
i karmelitaneve Revolucion e liri Zoti Uin Mendime,
fjalë, profeci Varrezat e mëdha nën dritën e hënës Mashtrimi Gati-gati
jeta e Jezusit
Për shkrimtarin e madh janë shkruar
veprat: Zhorzh Bernanos, mendime, fjalë, profeci (Paolinet, 1996) Ftesë
për të lexuar Bernanos (Maria A. La Barbera; Botimet Mursia, 1994). Zhorzh
Bernanos. Shkrimi-fjalë i njeriut-libër. Kumtesat e një simpoziumi, kushtuar
shkrimtarit, më 28-29 maj 1998, në Palermo.