Gjykata e Turqisë nge aktakuzën formale kundër 7 ushtarakëve
(24.2.2010 RV)Gjykata turke ka ngritur akuza formale kundër shtatë ushtarakëve
të lartë të akuzuar për tentim të rrëzimit të qeverisë së Tayyip Erdogan, me pretendimin
se disa vjet më parë kanë komplotuar rrëzimin e qeverisë. Gjykata në Stamboll urdhëroi
që të shtatët të mbahen në paraburgim. Rreth 50 komandantë të ushtrisë turke janë
arrestuar për komplotin e pretenduar të vitit 2003 dhe po merren në pyetje nga prokurorët.
Arrestimet e tyre kanë rritur tensionin ndërmjet qeverisë pro islamike dhe armatës
turke, e cila e sheh veten si mbrojtëse të traditës shekullare e civile të Turqisë.
Të martën, gjeneralët dhe admiralët kryesorë u takuan në selinë e shtabit të përgjithshëm
për ta diskutuar, siç e quajtën, ‘situatën serioze’.