Днямі Канстантынопальскі Патрыярх будзе ўшаноўваць 70-ю гадавіну ад дня нараджэння.
З гэтае нагоды з Ватыкану пажаданні накіраваў Старшыня Папскае рады па спрыянню хрысціянскаму
адзінству, кардынал Вальтэр Каспэр. “Я з удзячнасцю ўспамінаю многія нашыя братэрскія
сустрэчы ў Фанар , і тут, у Рыме”,- піша ён у сваім пасланні. “Спадзяюся, што ўжо
хутка мы зможам зноў сустрэцца. Прыязнь, ўзаемны давер ды шчырасць, якімі заўсёды
адрозніваліся нашыя размовы, гэта для мяне вялікі падарунак і з”яўляюцца знакам поступу,
які дасягнуўся ў адносінах паміж нашымі Цэрквамі”. Нямецкі кардынал выказвае таксама
надзею, што духоўны кіраўнік праваслаў”я “будзе нястомна працягваць сваё служэнне,
спрыяючы росту ўзаемаразумення ды прычыняючыся да што-раз больш пладавітага супрацоўніцтва
паміж дзвюма Цэрквамі, каб мы змаглі даваць свету супольнае сведчанне веры ў Хрыста”. Патрыярх
Барталамей І-ы нарадзіўся 29-га лютага 1940-га году на востраве Імроз, які належыць
да Турцыі. Ліцэй закончыў у Стамбуле. Там ён таксама пачаў багаслоўскія даследванні,
а затым прыняў святарскія свядчыны. З 1991-га году ёсць Усяленскім Патрыярхам Канстантынопаля.