Koha e keqe shkakton mëse 40 të vdekur në ishullin portugez të Maderës
(22.02.2010 RV)42 të vdekur, mëse 120 të plagosur e dëme për dhjetra milionë
euro. Ishulli portugez i Maderës gjunjëzohet para shirave të rrëmbyeshme të së shtunës
së kaluar, që shkatërruan shtëpi e ura. Akoma nuk ka një bilanc përfundimtar, pasi
linjat telefonike janë ndërprerë e nuk dihet se kush ka nevojë për ndihmë. Presidenti
i Komisionit Evropian, Manuel Barroso deklaroi se Bashkimi Evropian është gati të
ndihmojë Portugalinë për të përballuar këtë emergjencë.