Для асягнення раўнамернага развіцця варта садзейнічаць міжасобовым адносінам людзей.
Назіральнік Апостальскай Сталіцы гаворыць да міжнароднага супольніцтва
Каб якасна падтрымаць сацыяльны і эканамічны рост у імя росквіту чалавецтва, варта
спрыяць міжасабовым адносінам. Пра гэта казаў арцыбіскуп Челесціно Мільйоре, Пастаянны
Назіральнік Апостальскай Сталіцы пры структурах ААН , выступаючы ў ходзе 48-й Сесіі
Эканамічнай і сацыяльнай рады ААН, прысвечанай тэме сацыяльнай інтеграцыі. Арцыбіскуп
Мільйоре адзначыў, што нароўна з важнасцю забеспячэння месцаў працы, варта паклапаціцца
аб тым, каб стандарты спажывання засяроджвацца на грамадскіх дабрах і на паслугах,
якія спрыяюць больш добрым і шырокім зносінам паміж асобамі. На думку папскага дыпламата,
"укладаючы ў грамадскія даброты, такія як медыцынская дапамога, адукацыя, культура,
мастацтва, спорт - элементы, якія развіваюць асобу і патрабуюць чалавечага ўзаемадзеяння,
а не механічнай вытворчасці, сваім адміністрацыйным умяшаннем дзяржава закранула б
развіццё ў яго карані,адначасова спрыяючы занятасці і развіццю ў доўгатэрміновай перспектыве
». Згодна яго сцвярджэнню, грамадскае развіццё і інтэграцыя не адбываюцца толькі шляхам
тэхналагічных развязак, паколькі ў першую чаргу тычацца ўзаемаадносін паміж людьмі.
Аднак, «засяроджванне на чалавечых адносінах, - адзначыў арцыбіскуп Мильйоре, - абавязкова
патрабуе адкрытасці на жыццё, што рэальна з'яўляецца пазітыўным укладам у падтрымку
сям'і, грамадскае і эканамічнае развіццё ». Ён растлумачыў, што вельмі часта ў росце
насельніцтва бачаць прычыну беднасці, але гэтую пазіцыю варта пераадолець, паколькі
выключна сілай энтузіязму і працы можна знайсці вырашэнне любых праблем галечы.
Свяцейшы Пасад займае пазіцыю, згодна з якой «садзейнічанне жыццю і сям'і ды пошук
шляхоў для аб'яднання людзей і ўдзелу з боку ўсіх дазволіць грамадствам цалкам зразумець
іх патэнцыял і скарыстаць яго для развіцця народаў. Сям'я адыгрывае важную ролю
ў грамадстве, бо менавіта там дзеці ў першую чаргу набываюць пэўныя здольнасці, пераймаюць
стылі паводзінаў і дабрачыннасці, бацькі сваім прыкладам прыгатаўляюць iх да працы.
Рaзглядаючы тэму сацыяльнай інтэграцыі, Пастаянны Назіральнік Апостальскай Сталіцы
пры ААН не абыйшоў праблем, звязаных са з'явай міграцыі. Ён згадаў, што ў краінах
з высокім адсоткам іміграцыі назіраем падвышэнне неталерантнасці і ўзаемных непаразуменняў
паміж грамадзянамі ды неадпаведнае размеркаванне прыбыткаў у адпаведнасці з працай.
Гэта новая з'ява патрабуе ўвагі, асабліва адносна двух фундаментальных аспектаў,
на аснове якіх можна было б знайсці рашэнне праблемы: гэта - прыняцце мігрантаў і
павага да закону. Аднак варта памятаць, што асіміляцыя і інтэграцыя «патрабуе доўгага
перыяду часу, і ў асноўным адбываецца ў наступных пакаленнях». Важную ролю ў гэтых
пытаннях таксама адыграюць рэлігійныя супольнасці," – прыпомніў міжнароднаму зграмаджанню
прадстаўнік Святога Пасаду