Рым. У Вечны горад прыбыў Крыж Сусветных дзён моладзі. 25 сакавіка ён будзе ўсталяваны
на плошчы Святога Пятра, дзе разам з Бенедыктам XVI моладзь свету будзе адзначаць
свой Сусветны дзень.
Ініцыятыва была адкрыта ўрачыстай Імшою ў капліцы універсітэта "Sapienza (мудрасць)"
пад старшынствам монсiньёра Лоренцо Леўцы, кіраўнікa дыяцазальнага ведамства пастырскай
дзейнасці вa ўніверсітэтах. "Гэта спрыяльная магчымасць - сказаў пралат інфармацыйнаму
агенцтву "Сір",- даць усім студэнтам зразумець, што Бог заўсёды побач з імі, веруючымі
католікамі і пратэстантамі, нават няверуючымі - незалежна ад іх веравызнання,
і што іх студэнцкаe жыццё з'яўляецца не меньш важнай Боскаю працаю, чым cпавяданне
веры." Крыж, дадаў кіраўнік дыяцазальнага аддзялення, ёсць ня толькі сімвалічнай,
але і рэальнай прыкметай таго, што маладыя людзі ва універсітэтах могуць сустрэць
Хрыста праз вопыт стасункаў між сабою, з выкладчыкамі, у напружанні інтэлектуальнай
і сацыяльнай падрыхтоўкі. Крыж Сусветных моладзевых дзён будзе заставацца ў капліцы
універсітэта "Sapienza " да 19 лютага, пасля чаго пачнецца Яго паломніцтва па універсітэтах
сталіцы Італіі. Яно завершыцца 22 сакавіка па універсітэце "Tor Vergata ", дзе будзе
адзначацца 10-годдзе Сусветных дзён моладзі (2000г).