У Ватыкан, на двухдзённую сустрэчу са Святым Айцом і прадстаўнікамі Рымскае Курыі,
прыбылі ірландскія біскупы. Сустрэча склікана з прычыны крызісу тамашняга Касцёла
ў сувязі з раскрыццём сэксуальных скандалаў з удзелам некаторых духоўных у дачыненні
да непаўналетных і скрыванне такіх выпадкаў касцельнымі ўладамі. Плодам сустрэч у
Ватыкане мае быць спецыяльны ліст Папы Бэнэдыкта 16 да вернікаў Ірландыі. Ірландскія
біскупы прывезлі таксама пісьмо накіраванае на імя Папы Рымскага ад ахвяраў жорсткіх
злоўжыванняў духоўнымі, ў якім яны просяць фінансавай кампенсацыі ў памеры аднаго
мільярда еўра. Як паінфармаваў прэсавы прадстаўнік ірландскага Эпіскапату, ў часе
сустрэч у Ватыкане, не будзе абмяркоўвацца пытанне адстаўкі герархаў абвінавачаных
ва ўкрыванні прыпадкаў педафіліі сярод духавенства. Пасяджэнне пачалося з супольнай
Імшы ў Ватыканскіх гротах. У часе Літургіі кардынал Дзярсакратар Ватыкану Тарчызіё
Бэртонэ заахвоціў ірландскіх пастыраў да абмяркоўвання цяперашняга крызісу як евангельскай
спробы. Яна дазволіць Касцёлу ачысціцца і ўмацавацца, на сколькі прызнае ён праўду
і прызнаецца да здзейсненых правін. Да гэтага аднак “недастакова ўпакорыць сябе,
але трэба стаццца пакорнага сэрца”,- дадаў кардынал Бэртонэ, ўказваючы на патрэбу
адкрыцця на Духа Святога, які дае сілу пераадольвання цяжкасцяў не губляючы веры і
даверу ў Бога.