(15.02.2010 RV)SHBA-të nxisin Kombet e Bashkuara për sanksione të reja kundër
Iranit, nga shkaku i programit bërthamor, që Teherani vazhdon ta zhvillojë. Gjithsesi,
Shtëpia e Bardhë nuk e përjashton zgjidhjen e krizës përmes bisedimeve. Irani po studion
një propozim të ri, paraqitur pikërisht nga SHBA-të, Rusia dhe Franca për pasurimin
e uraniumit të tij jashtë vendit. Franca sqaroi megjithatë se ky propozim nuk është
i ndryshëm nga ai i nëntorit, që Teherani e hodhi poshtë. Sipas sekretares amerikane
të Shtetit, Hilari Klinton, Irani po shndërrohet në një diktaturë ushtarake, por tani
për tani nuk parashikohet ndërhyrje amerikane kundër vendit të ajatollahëve.