Sot pasdite Benedikti XVI vizitoi Seminarin e Madh Romak
(12.02.2010 RV)Siç ndodh çdo vit në festën e pajtores së Institutit, Zojës
së Besimit, që do të kremtohet nesër – Papa u takua me seminaristët dhe u ndalua për
darkë me ta. Sivjet në takim ishin të pranishëm edhe studentët e seminareve të tjera
të kryeqytetit. Kujtojmë se Seminari i Madh Romak është seminar dioqezan, që pranon
edhe studentë të dioqezave të tjera, të cilët më pas rikthehen në dioqezat tyre për
të kryer shërbimin meshtarak. Në këtë çast numëron 85 nxënës, nga të cilët, 28 janë
të dioqezës së Romës, 21 të dioqezave të tjera italiane e 14, të huaj.