Агульная аўдыенцыя Святога Айца ў сераду 10-га лютага

У сваёй сённяшняй катахэзе Папа пазнаёміў вернікаў з постацю Святога Антонія з Падуі. Гэта адзін з найбольш вядомых Святых Каталіцкага Касцёла.

Нарадзіўся ў Лісабоне ў 1195-м годзе. Памёр у Варчэлля каля Падуі (Італія) ў 1231-м годзе. За інтэлектуальнае і духоўнае развіццё Святы Антоні быў удзячны рэгулярным канонікам з закону Святога Аўгустына з Лісабону, сярод якіх ён пачынаў манскае жыццё. Мучаніцкая смерць 5-і францішканскіх місіянароў у Афрыцы ,- працягваў Папа ў сваёй сённяшняй катахэзе,- мела рашаючы ўплыў на ягонае рашэнне ўступіць да Закону Братоў Меншых, які толькі што быў заснаваны, і ў якім прыняў імя Антонія. Згодна са сваім жаданнем быў пасланы на місію ў Марока. На жаль, хвароба прымусіла яго вярнуцца з місіі ў Італію
Пасля Гэнэральнай Капітулы братоў францішканаў у Асізі і сустрэчы са Святым Францішкам ,- далей сказаў Папа,- выконваў паслугу прапаведніка ў Італіі і Францыі. Быў адным з найбольш вядомых тэалогаў. Прытрымліваючыся тэалогіі Святога Аўгустына, Антоні даў пачатак францішканскай тэалогіі. Ужо год пасля яго смерці ў 1232-м годзе Папа Рыгор ІХ абвясціў яго святым. Антоні пакінуў па сябе багатую спадчыну тэалагічных і прапаведніцкіх пісьмаў. Да найбольш вядомых належаць казанні на нядзелю і казанні аб святых. З огляду на змешчанае ў іх духоўнае багацце Папа Пій ХІІ у 1946-м годзе абвясціў яго Докатарам каталіцкага Касцёла. У сваім прапаведванні Святы Антоні шмат увагі адводзіў малітве, любові да Бога, патрэбе аднаўлення духоўнага жыцця, Эўхарыстыі і мукам Хрыста. У трапны спосаб паказваў тагачасную эканамічную і сацыяльную сітуацыю. Упрошвайма Бога,- сказаў на заканчэнне аўдыенцыі Папа Бэнэдлыкт 16,- каб гэты святы падтрымліваў таксама сучасны Касцёл сваім заступніцтвам.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.