Պենետիկտոս ԺԶ Սրբազան
Քահանայապետը յաջորդաբար ընդունեց Ռումանիոյ եպիսկոպոսներու համահաւաք դասէն խումբ մը
առաջնորդներ եկած կատարելու հնգամեայ կանոնական այցը Սուրբ Պետրոսի յաջորդին։
Վատիկանեան տեղեկութիւններ
Փետրուար 8-ին եւ 9-ին Վատիկանի մէջ
տեղի կ'ունենայ ծովու առաքելութեան պատասխանատուներու տարեկան ժողովը։
Անոնք
կը ներկայացնեն Հիւսիսային Ամերիկայի, Լատինամերիկայի, Եւրոպայի, Ափրիկէի , Ասիոյ եւ
Ովկեանեայի ծովու առաքելութեան պատասխանատուները։ Յայտնենք թէ ծովու առաքելութիւնը հիմնուեցաւ
90 տարի առաջ։
ֆրանսա-Ս. Գիրքի շրջուն ցուցահանդէսը
8-12
Փետրուար 2010, ֆրանսայի Ս. Գիրքի Դաշնակցութիւնը Փարիզի ՜՜Ունեսքօ՝՝ կեդրոնին մէջ կը
ներկայացնէ Ս. Գիրքի շրջուն ցուցահանդէսը, հետեւեալ բնաբանով. ՜՜Աստուածաշունչը, մարդկութեան
ժառանգութիւն՝՝։
Ցուցահանդէսը նուիրուած է թէ հաւատացեալ եւ թէ ոչ հաւատացեալ
անձերուն։