Terrorizëm: Al Kaeda në Jemen thirrje për të luftuar kundër të krishterëve e hebrenjve
(08.2.2010 RV)Krahu i Al Kaedës në Jemen i ka ftuar sot të gjithë myslimanët
e gadishullit arabë në xhihadin kundër të krishterëve e hebrenjve të pranishëm në
rajon përmes një mesazhi audio të përhapur në internet nga numri dy i organizatës
terroriste. “Nuk ka tjetër rrugë dalje nga kjo situatë përveç luftimit të luftës së
shenjtë”, tha Saeed al-Shehri, ish i burgosur i Guantamos, duke i nxitur myslimanët
të sulmojnë kudo “interesat e amerikanëve e të kryqtarëve”.