"Бласлаўлёны той, хто прыходзіць ў імя Пана"- працяг
Паважаныя cлухачы мы працягваем чытаньне кнігі cьвятара Варшаўcкай Тэалагічнай Акадэміі
і cьвятара Яна Лаха, пад назвай “Блаcлаўлёны, хто прыходзіць у імя Панcкае”. Аўтар
гэтай кнігі‚ праcочвае развіцьцё меcыянкай ідэі ад чаcоў Цара Давіда да першахрыcьціянкай
эпохі, разглядae некаторыя значныя тэкcты Старога і Новага Запаветаў, прадказваючыя
меcіянcтва Езуcа Хрыcта‚ такія, напрыклад, як прароцтва прарока Натана ў 2 кнізе Самуэля.
Cёньня мы працягваем чытаць cтаронкі другой главы гэтай кнігі пад назвай “Адрынуты
наcтаўнік””, дзе аўтар дзе аўтар разважае над сэнсам цудаў, зьдзейсьненых Езусам
і апісаных эвангелістам Маркам.
Езус ацаляў людзей, хворых ці апанаваных нячыстым
духам. Ацаленьні, зьдзейсьненыя Езусам, былі шчыльна зьвязаны з яго прапаведваньнем
Эвангельля і з дабравешчаньнем, яны павінны былі явіць, “што наблізілася Валадарства
Божае” . Аднак абагульненым ўзгадваньням аб аздараўленьнях і выгнаньні бесаў супярэчыць
забарона апавядаць аб звышнатуральнай моцы Езуса. Многія людзі былі сьведкамі яго
вялікіх дзеяньняў, так што паведамленьне аб гэтых падзеях павінна было распаўсюдзіцца
па бліжнім і дальнім землям. Як пагадзіць з гэтым словы Езуса, якія загадваюць маўчаць?
Аднак менавіта ў гэтай супярэчнасьці трэба шукаць галоўную мэту аўтара другога
эвангельля. Ягонай мэтай было давесьці, што сьведкі цудоўных ацаленьняў, нават калі
і ўспрымалі дзеяньні Езуса як звышнатуральныя , тым ня меньш не ўсьведамлялі, што
той, хто зьдзейсьняў іх, сапраўды Месія. Гэтая думка адлюстравалася таксама ў другіх
тэкстах Марка. Другі тэкст Марка ў трэцьцяй главе таксама зьяўляецца абагульненьнем,
напісана: “Але Езус з вучнямі сваімі адыйшоў да мора, і за ім пайшло мноства народу
з Галілеі, Юдэі, Ерузаліму, Ідумеі і з-за Йордану, дый з ваколіц Тыру і Сідону вялікай
грамадой, пачуўшы, што Ён рабіў, ішлі да яго. І сказаў вучням сваім, каб для яго быў
прыгатаваны човен, з увагі на мноства народу, каб ня ціснуліся да яго. Бо многіх
ён аздаравіў, дык хворыя ціснуліся да яго, каб дакрануцца да яго. І духі нячыстыя,
бачучы яго падалі перад ім ды крычэлі, кажучы: Ты сын Божы! Але ён з моцай забараніў
ім, каб не выяўлялі яго.” Гэты тэкст ёсьць свайго роду абагульненьнем Служэньня
Езуса, і відавочна датычыць не толькі аздараўленьняў, але і ўсіх падзей, апісаных
у другой главе. У гэтым другім абагульненьні Марк аб΄ядноўвае грамадзкае служэньне
Езуса з яго пакутамі і сьмерцю. Далейшы лёс Езуса вызначаюць падзеі, аб якіх аўтар
другога Эвангельля ўзгадвае ў кароткай заўвазе:”Фарысеі выйшаўшы, зараз жа склікалі
з Ірадзіянамі раду аб ім, каб загубіць”. Сутыкненьні прывядуць да канфлікта, які закончыцца
пакутамі. З гэтай заўвагай яўна кантрастуе тэкст усяго абагульненьня. Пакуль ворагі
Езуса раздумваць, як пагубіць яго, з усіх канцоў Палестыны і асабліва з Ерузаліму
да яго сьцякаюцца натоўпы народу. У параўнаньні з папярэднім паведамленьнем сфера
яго дзейнасьці значна пашырылася, аднак натоўпы як і раней ідуць да яго не як да
Месіі. У “абагульненьні” з трэцьцяй главы, дзе апісваецца служэньне Езуса, мы
бачым, што яно набыла іншы характар. Ён больш не вучыць у сінагогах. З гэтага моманту
Езус вучыць у палях, над возерам, на адкрытых месцах. Ён зьвяртаецца да простых людзей.
Яго слухачы родам з Галілеі, Юдэі, Заярданіі нават з Тыру і Сідону. Сярод іх ёсьць
і Ідумеі. Гаворачы аб Ідумеі, Марк, відаць, жадаў паказаць надзвычайна шырокае распаўсюджаньне
Езусавага служэньня. Вядома, што Ідумеяй называліся землі, разьмешчаныя на поўдзень
ад Беф Сура, і гэта была самай паўднёвай вобласьцю Юдэі. Аднак, калі выклікае
зьдзіўленьне прысутнасьць назвы Ідумеі, дык тым больш павінна зьдзіўляць адсутнасьць
узгадваньня Самарыі. Прычыну замоўчваньня яе, без сумневу, трэба шукаць у сталым
змаганьні самарытанаў з астатнімі жыхарамі Ізраіля. Трэба прызнаць, што адсутнасьць
такога ўзгадваньня ўскладняе разуменьне гэтага ўрыуку бо, на момант напісаньня Эвангельля
ад Марка, Самарыя ў значнай ступені была ўжо хрысьціянскай, а ў Дзеяньнях Апостальскіх
гаворыцца, што на яе тэрыторыі прапаведвалі Пётр і Ян, і хрысьціянская супольнасьць
квітнела.
Шаноўныя cлухачы, вы cлухаеце cтаронкі з кнігі польcкага бібліcты
і тэолага Яна Лаха‚ пад назвай “Блаcлаўлёны, хто прыходзіць у імя Панcкае”. У нашай
наcтупнай перадачы праз тыдзень мы працягнем чытаньне наcтупных разьдзелаў з гэтай
кнігі.