Papa: karrierizmi e kërkimi i pushtetit të këqija që ekzistojnë edhe në Kishë
(03.2.2010 RV)Edhe ndër njerëzit e personelin e Kishës ekzistojnë të keqijat e karrierizmit
e të kërkikimit të pushtetit personal. Këtë vuri në pak sot Papa Benedikti XVI gjatë
audiencës së përgjithshme mbajtur në Sallën e Palit VI në Vatikan, në katekizmin kushtuar
figurës së Shën Dominikut Guzman, themeluesit të urdhrit të rregulltarëve Domenikanë. “Thua
se nuk është tundim ajo e karrierës , e pushtetit? Tundim nga i cili nuk përjashtohen
as ata që kanë rolin e inkurajuesve e të qeverisjes në Kishë?”, pyeti Papa. Këndej
Benedikti XVI kujtoi atë që pati thënë para disa muajsh gjatë shugurimit të disa
ipeshkvijve: “Nuk kërkojmë pushtet, prestigj, autoritet, nderime e vlerësime për vetvete
- qortoi Ati i Shenjtë. E dimë se gjërat në shoqërinë civile, e jo radhë herë edhe
në Kishë, vuajnë për faktin se shumë prej atyre të cilëve u është dhënë përgjegjësia,
punojnë për vete e jo për bashkësinë që u është besuar”.