(01.02.2010 RV)Sekretari i përgjithshëm i OKB-së, Ban Ki-Mun ndodhet me mision
diplomatik në Qipro për të diskutuar mbi procesin e ribashkimit të ishullit, ndarë
në vitin 1974, pas ndërhyrjes ushtarake turke në veri të vendit. Ban Ki-Mun po takohet
me krerët e bashkësisë greke dhe asaj turke, veç e veç, për të parë se si mund të
arrihet ky objektiv. Flitet për një propozim turk për marrëveshjen, por akoma rruga
është e gjatë. Qipro ka pas dy shtete, si Greqia dhe Turqia, që kontribuojnë në moszgjidhjen
e konfliktit, duke mbrojtur secili arësyet e veta. Nuk duhet harruar edhe se mënyra
si sillet ndaj Qipros, përcakton hapat e Turqisë drejt Bashkimit Evropian. Në vitin
2006, Komisioni Evropian bllokoi me tetë pika procesin e integrimit të Ankarasë.