Ерусалім: моладзь ёсць надзеяю справядлівасці і міру
Маладыя людзі з цэлага свету падрыхтоўваюцца да супольнае малітвы за мір на Святой
Зямлі. Гэтае здарэнне адбудзецца ў тысячах гарадоў у нядзелю 31-га студзеня, ў літургічны
ўспамін Святога Яна Боско. Арганізатарам ініцыятывы з”яўляецца апостальства “Моладзь
ў абароне жыцця”, італьянская асацыяцыя “Папабойс” ды міжнародная сетка суполак эўхарыстычнага
абажання. З гэтай нагоды да арганізатараў і ўдзельнікаў Другога міжнароднага
дня малітвы за мір на Святой Зямлі, накіраваў спецыяльнае пасланне біскуп Марыё Тосо,
сакратар папскай Рады “Юстыцыя эт Пакс” ( Справядлівасць і мір). У пасланні ён заклікае
моладзь да роздумаў пра Хрыста, Які можа даць чалавеку і свету сапраўдны мір. “Глядзіце
з даверам на Хрыста, Новага Чалавека ды на заўтрашні дзень таму што вы, маладыя людзі,
з”яўляецеся надзеяй будучыні заснаванай на справядлівасці і міры. Сапраўдны мір,-
падкрэслівае сакратар Папскае Рады “Справядлівасць і мір”,- ня ёсць выключна плодам
чалавечых намаганняў. Перш за ўсё, гэта Божы дар і вынік веры ў Яго”. У тэксце
паслання нагадваецца пра нянавісць і гвалт, якія наносяць сур”ёзныя раны чалавечай
сям”і. Адносна несправядлівасці і канфліктаў, ніхто не можа заставацца абыякавым,
таму што ўсе, асабліва хрысьціяне, пакліканыя да будавання міру. Міжнародны дзень
малітваў за мір на Святой Зямлі паказвае, што ў свеце, дзе сітуацыя не вельмі аптымістычная,
маладыя хрысціяне хочуць быць знакам надзеі, не хочуць падвяргацца адчаю ды жадаюць
паслядоўнай малітвы за мір. У Другім міжнародным дні малітвы за мір будзе ўдзельнчаць
моладзь у тысячы гарадоў свету, між іншым, у Ерусаліме, Бэтлееме, Рыме, Парыжы, Лондане,
Маскве, Нью Ёрку ды ў многіх іншых гарадах Еўропы, Азіі, Афрыкі і Амерыкі.